"Protestat mund të dalin jashtë kontrollit, thotë Ilir Kulla

Sipas Kullës, plagosja e Erjon Vishkullit ka qenë një moment që mund të ketë ndikuar në reflektimin e palëve, për shkak të rrezikut që situata t'i përsheqte më shumë. "Unë mendoj që edhe drejtuesit e forcave të rendit, por edhe nga ana e qeverisë, ka pasur një reflektim që nuk mund ta shtyjnë më shumë këto gjëra, se do na dalë tërësisht jashtë kontrollit", tha Kulla.

Ai vlerësoi se në ditët e fundit është vënë në vëmendje protestat dhe se policia i përgjigjet protestuesve në një mënyrë më të matur. "Nëse kujtohet, dita e pare e protestës, 13 tetori, nuk ishte aq e madhe sa të përdorreshin forcat speciale dhe të goditeshin njerëzit. Protesta vetëm sa u zmadhua", deklaroi ai.

Sipas tij, pavarësisht ndryshimit të qasjes, tensionet politike nuk janë shuar dhe protestat pritet të vazhdojnë. "Protestat do vazhdojnë, nuk janë zgjidhur, gjuha me të cilën vazhdon të jetë e rënduar si nga protestuesit ashtu edhe nga mazhoranca, por ka fillimin e një reflektimi", theksoi Kulla.

Një pjesë e rëndësishme të analizës së tij Kulla ia kushtoi Partisë Demokratike dhe aftësisë së saj për të mobilizuar qytetarët në një situatë protestash dhe pakënaqësie ndaj mazhorancës. Ai argumentoi se protestat kanë ndikuar negativisht në imazhin e qeverisë, por nënkohësisht kanë nxjerrë në pah, sipas tij, dobësinë organizative dhe politike të opozitës.

"Kjo protestë ka shkatërruar imazhin e Partisë Socialiste dhe të mazhorancës qeverisëse. Por, ka asgjësuar PD-në", deklaroi Kulla.

Duke iu referuar pjesëmarrjes në protestën e fundit të organizuar nga demokratët, ai pretendoi se PD-ja kishte arritur të mblidhte vetëm 600 deri në 800 persona, shifër që, sipas tij, tregon vështirësinë e kësaj force politike për të përfituar nga pakënaqësia qytetare.

"Fakti që PD nuk mblodhi më shumë se 600-800 veta ditën e fundit, tregon që ka një problem real të asgjësimit të PD-së si parti alternative për të përfituar nga kjo pakënaqësi", u shpreh ai.

Kulla ngriti gjithashtu pyetje për kapacitetin mobilizues të Partisë Demokratike, duke përmendur edhe bashkitë që kjo forcë politike drejton. Sipas tij, zhvillimet e fundit tregojnë se pakënaqësia ndaj qeverisë nuk përkthehet automatikisht në mbështetje për opozitën tradicionale.

"Ka ndryshuar, po themi, dukjen e saj. Nuk kemi më skena të forta përplasje si në ditët e para. Patëm të shtunën një protestë masive që...", tha Kulla.

"Ti thua që është kontributore vetëm ana e qeverisë në këtë drejtim?", i pyeti një journalist.

"Jo, të dyja palët. Po ka një arsye pse. Nëse kujtohet, dita e pare e protestës 13 tetori, nuk ishte aq e madhe sa të përdorreshin forcat speciale dhe të goditeshin njerëzit, protesta vetëm sa u zmadhua. Pra, duket qartë që ka një", tha Kulla.