Interi fiton në Venezia, merr avantazhin përpara Lazio-s

Interi ka regjistruar fitoren e katërt radhazi në të gjitha kompeticionet, pasi mposhti Venezian me rezultatin 2-0 në transfertën e sotme. Pjesa e parë e takimit në "Stadio Pier Luigi Penzo" ishte e vështirë për zikaltërit, teksa vendasit rrezikuan disa herë portën përmes Akor Adams dhe Lion Lauberbach. Sulmuesi gjerman Lauberbach iu anulua një gol për pozicion jashtë loje, ndërsa pak minuta më vonë portieri devijoi në travers një tjetër goditje të tij. Në pjesën e dytë, Venezia vazhdoi të shpërdoronte raste me anë të Gianluca Busio dhe një tjetër gol të anuluar nga Adams. Skuadra e Inter kaloi në avantazh falë një autogoli të Matias Moreno, i cili devijoi në rrjetën e tij një krosim të ulët nga Marcus Thuram. Fati nuk ishte me vendasit as në rastin e golit të dytë, ku një goditje me kokë e Carlos Augusto u devijua nga Redouane Halhal, duke përfunduar sërish në portën e Venezia-s. Me këto sukses, Inter ngjitet në vendin e parë në kuotën e 25 pikëve, po aq sa Lazio, duke u përgatitur në formë optimale për derbin. Nga ana tjetër, skuadra e drejtuar nga Davide Nicola mbetet në vendin e fundit të tabelës me vetëm 3 pikë të grumbulluara.