Avokati i Popullit zbarkon për inspektim në burgun e Fierit për Veliaj

Avokati i Popullit ka shkuar në institucionin penitenciar të Fierit për të inspektuar kushtet në të cilat mbahet kryetari i Bashkisë së Tiranës, Erion Veliaj, dhe për të verifikuar ligjshmërinë e transferimit të tij në këtë burg. Inspektimi synon të verifikojë nëse transferimi është kryer sipas procedurave të parashikuara, nëse masat kufizuese janë të arsyetuar dhe nëse ato respektojnë standardet e trajtimit të personave në paraburgim.

Ndërhynja e Avokatit të Popullit merr rëndësi të veçante edhe për shkak të kundërshtimeve të ngritura nga vetë Veliaj ndaj vendimit për transferimin e tij në Fier. Kryebashkiaku e ka cilësuar zhvendosjen si një vendim politik, duke venë në diskutim motivet e autoriteteve.

Megjithatë, pretendimi i Veliaj për motive politike mbetet qëndrimi i tij dhe nuk përben një përfundim të konfirmuar nga inspektimi. Avokati i Popullit ka kompetencë të kontrollojë respektimin e të drejtave të personave të privuar nga liria dhe të kërkojë informacion nga administrata penitenciare për kushtet e trajtimit të tyre.