Bozdo: Paketa fiskale 2027 do të prekë profesionet e lira
Deputeti Eno Bozdo ka shprehur kritika ndaj paketës fiskale 2027, duke thënë se ajo do të prekë direkt profesionet e lira, si konsulentët, farmacistët, inxhinierët, avokatët dhe noterët.
Deputeti Eno Bozdo ka komentuar ndryshimet në paketën e re fiskale 2027 në emisionin "Now" në Euronews Albania. Ai ka thënë se përfshirja në skemën e TVSH-së e 17 mijë bizneseve të vogla do të rrisë drejtpërdrejt kostot për ta, duke prekur veçanërisht profesionet e lira.
"S'absolutisht nuk jemi të kënaqur. Dokumentet që kam këtu flasin për tatim fitimin korporativ nga 15-17 për qind", tha Bozdo. Ai ka përmendur se profesionistët e lirë, si konsulentët, farmacistët, inxhinierët, avokatët dhe noterët, do të preken në mënyrë të drejtpërdrejtë nga kjo paketë.
"Kjo është direkt taksë mbi xhiron. Ata do të bëjnë të njëjtën gjë, një pjesë do të rrisin çmimet. E dyta, edhe për bizneset e vogla ka kosto shtesë që u imponohet me futjen në skemë. Një ekonomist apo kontabilist duhet të mbajë regjistër më vete, që është kosto", tha Bozdo.