Spanja shpallon tri ditë zie pas aksidentit hekurudhor me 68 viktime

Aksidenti ndodhi të martën e kësaj jave, kur një tren që udhëtonte nga Madridi drejt Seviljes u përplas me një tren tjetër që qëndronte në shina. Kryeministri spanjoll, Pedro Sanchez, ka deklaruar se "e gjithë Spanja është në zi".

Treni i kompanisë private Iryo kishte 147 pasagjerë në bord dhe kishte ndaluar për shkak të një defekti kompjuterik, sipas ministrit spanjoll të Transportit, Oscar Puente. Ministri deklaroi se, në raste të tillë, kontrolli i trafikut hekurudhor i kalon një qendër 24-orëshe në Madrid. Megjithatë, ai e cilësoi si "të pashpjegueshëm" vendimin për të lejuar lëvizjen e trenave pa kufizime shpejtësie.

Regjistrimet audio mes kontrollorëve të trafikut hekurudhor dhe drejtuesve të trenave duket se tregojnë se njërit prej trenave i ishte dhënë leje për të lëvizur, pavarësisht se një tren tjetër kishte mbetur i bllokuar përpara tij. Kompania Iryo deklaroi se treni i saj u godit nga pas nga një tren i kompanisë shtetërore Renfe, i cili transportonte 397 pasagjerë. Përplasja ishte aq e forte sa disa vagonë përfunduan poshtë një skarpate.

Deshmitarët kanë përshkruar skena të renda, me pasagjerë të bllokuar në sedilje, njerëz të plagosur dhe të gjakosur dhe tym që përhapej nëpër vagonë. Njëri prej tyre mori flakë. Kryeministri Sanchez deklaroi se ishte "e papranueshme" që Spanja të përballej me dy aksidente të renda hekurudhore brenda të njëjtit vit. Në janar, një tjetër përplasje pranë Kordobes shkaktoi 46 viktima. Edhe ai aksident ndodhi në të njëjtin linjë hekurudhore, por në jug.

Shumica e partive politike pezulluan fushatat për zgjedhjet e ardhshme në shenjë zie. Përkrahje bëri vetëm partia e ekstremit të djathtë Vox, lideri i së cilës, Santiago Abascal, deklaroi se nuk do të merrte pjesë në atë që e cilësoi si përpjekje për të përdorur zinë për të heshtur kritikat ndaj infrastrukturës hekurudhore.

Ndërkohë, rreth 1 500 persona u mblodhën gjatë natës përpara Ministrisë së Transportit në Madrid, duke kërkuar, dorëheqjen e kryeministrit Sanchez dhe ministrit Puente. Policia përdori gaz lotshpellës për të shpërndarë protestuesit, pasi disa prej tyre hodhën shishe dhe flakadane. Sipas raportimeve, nuk pati të lënduar apo arrestime.

Ndërkohë, flamujt e Bashkimit Evropian në Bruksel janë ulur në gjysmështrizë në shenjë solidariteti me Spanjën gjatë ditëve të zisë. Aksidenti i fundit konsiderohet më i rendë në Spanjë që prej vitit 2013, kur 80 persona humbën jetën në një aksident treni pranë qytetit Santiago de Compostela, në veriperëndim të vendit.