Gazetari rendit gabimet e paketës fiskale: I dërrmon profesionet e lira, dëmton shtresën e mesme

Gazetari Klodian Tomori tha se ndryshimet në paketën fiskale që prezantoi sot kryeministri Edi Rama janë "dërrmuese" për profesionet e lira. Ai theksoi se kjo qasje dëmton rendin e shtresës së mesme. "Kjo i dërrmon profesionet e lira. Një mjek shet vetëm punën. Kjo është shkatërrues për profesionet e lira. Kjo dëmton shtresën e mesme", tha Tomorri. Të njëjtin mendim ndau edhe analisti Neritan Sejamini. Ai theksoi se paketa e propozuar nga qeveria është thjeshtë një propagandë, e cila sipas tij kërkon të krijojë idenë se qeveria po ndihmon shtresat e varfra të shoqërisë. Sipas tij, propozimet që tha Rama kanë për të përkështuar më tej problemet sociale dhe ekonomike në Shqipëri. "Politikat fiskale janë instrumenti kryesor që ka një qeveri. Po të shikosh këto janë absurde. Nuk arrin asgjë. Me përjashtim të një grupi të vogël, që përfitojnë diçka, të gjithë të tjerët janë të humbur. Kjo ka për të përkështuar problemet. Kjo paketë është propagandë për të u dukur sikur qeveria po përpiqet të ulë çmimet për shtresat në nevojë", tha ai.