Ekstraduar në Shqipëri 29-vjeçari nga Gjermania për veprat penale

29-vjeçari Ardit Gjokrosa u ekstradua në Shqipëri nga Gjermania, pasi ishte shpallur në kërkim ndërkombëtar për veprat penale. Ai u kthye në vendin tonë nga Frankfurti, në kuadër të procedurave të ekstradimit, për shkak të një masë sigurie të caktuar ndaj tij nga GJKKO në maj të vitit 2024.

Sipas vendimit të gjykatës, ndaj tij është caktuar masa e sigurisë "Arrest në burg" për veprat penale "Sigurimi i kushteve dhe i mjeteve materiale për të kryer vrasje", kryer në formën e veçante të bashkëpunimit, atë të grupit të strukturuar kriminal, "Grupi i strukturuar kriminal" dhe "Kryerja e veprave penale nga organizata kriminale dhe grupi i strukturuar kriminal".

Ky është një nga rezultatet e bashkëpunimit të Interpol Tiranës me Interpol Wiesbaden, Gjermani, që i bëri mundësi arrestimin e shtetasit A. Gj. në Gjermani dhe më pas ekstradimin i tij në Shqipëri.