Përplasje fizike mes deputetëve në Parlamentin e Armenisë, ndërhyn sigurimi

Një incident i rëndë u regjistrua në Parlamentin e Armenisë, kur deputetët e partisë në pushtet dhe përfaqësuesit e opozitës u përplasën fizikisht. Incidenti ndodhi gjatë një fjalimi të deputetit Taron Chakhoyan, i cili bëri komente kundër opozitës. Deputetët e opozitës iu afruan podiumit, ku ndodhej Chakhoyan, dhe brenda pak sekondash konfrontimi u përshkallëzua në një sherr. Gjatë incidentit, një deputet ra përtokë, ndërsa seanca u ndërpre për shkak të tensionit. Përballja vazhdoi në korridoret e parlamentit, ku u kërkua ndërhyrja e personelit të sigurisë.