Kaos në Kuvend, deputetët e PD-së bllokojnë foltoren dhe ndezin tymuese
Deputetët e Partisë Demokratike kanë bllokuar foltoren dhe ndezin tymuese në sallën e Kuvendit, duke shkaktuar kaos në seancën plenare. Pavarësisht kësaj, majoranca ka vazhduar me miratimin e projektligjeve.
Mazhoranca vijon me miratimin e projektligjeve në seancën plenare të sotme, pavarësisht kaosit në Kuvend. Deputetët e PD-së, nga ana tjetër, kanë bllokuar foltoren dhe vazhdojnë të ndezin tymuese në sallën e Kuvendit.
Deri më tani janë miratuar disa projektligje, mes tyre ai për Bankën e Shqipërisë, ku në votim ishte i pranishëm dhe kryeministri Edi Rama. Pas votimit të këtij ligji, Rama është larguar nga salla e Kuvendit.
Projektligjet e miratuara deri tani janë:
* Projektligji për Bankën e Shqipërisë * Akti normativ nr. 4, datë 25.9.2026, për një shtesë në ligjin nr. 61/2012, për akcizat në Republikën e Shqipërisë, të ndryshuar * Projektligji për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për bashkëpunim financiar 2024, për projektin “Programi për rinovimin e konvikteve të universiteteve publike në Shqipëri, sipas parimit të eficiencës së energjisë V” * Projektligji për Këshillin Fiskal të Republikës së Shqipërisë * Projektligji për mbrojtjen e konsumatorit.