35-vjeçari i arrestuar në Sarandë për transportimin e shtetasve të huaj në këmbim të parave

Një 35-vjeçar u arrestua në Sarandë për transportimin e 21 shtetasve të huaj në këmbim të parave. Sipas njoftimit të policisë, ai ishte banues në Itali dhe u ndalua gjatë natës në afërsi të fshatit Shkallë, në kuadër të operacionit policor "Tranzit 2". Destinacioni i emigrantëve ishte Italia, dhe secili prej tyre dyshohet se kishte paguar 2 800 euro për transportin. 21 shtetasit e huaj u proceduan në gjendje të lirë për veprën penale "Kalimi i paligjshëm i kufirit shtetëror". Hetimet vijojnë për dokumentimin e plotë të veprimtarisë kriminale dhe identifikimin e shtetasve të tjerë që mund të jenë përfshirë.