Transporti urban kërkon ndërmjetësimin e qeverisë për lehtësimin e taksave

Operatorët e transportit publik kanë kërkuar ndërmjetësimin e qeverisë për lehtësimin e taksave dhe uljen e TVSH-së, duke argumentuar se kostot e larta po rendin në veprimtarinë e tyre. Në një shkresë të datës 29 tetor, Shoqata Kombëtare e Transportit Qytetas ka kërkuar kryeministrit Edi Rama rishikimin e disa detyrimeve tatimore, duke argumentuar se shpenzimet për karburantin, pagat, mirëmbajtjen e autobusëve, siguracionet dhe detyrimet fiskale po bëjnë një barrë të konsiderueshme financiare për sektorin.

Shoqata ka propozuar heqjen e takses së qarkullimit dhe akcizës për naftën e përdorur në transportin publik, ose krijimin e një skeme rimbursimi mujor ose tremujor bazuar në sasinë e karburantit të konsumuar dhe të dokumentuar. Ata gjithashtu kërkojnë vendosjen e një norme të reduktuar të TVSH-së prej 6% për transportin publik qytetas dhe trajtim më të favorshëm fiskal për karburantin, pjesët e këmbimit, shërbimet e mirëmbajtjes dhe investimet në autobusë.

Shoqata ka ngrenë shqetësimin për vonesat në disbursimin e subvencioneve dhe kompensimeve, duke kërkuar vlerësimin e kostove që krijohen nga transporti falas ose me tarifa të reduktuara për kategori të caktuara qytetarësh. Ata gjithashtu kërkojnë mbështetje për rinovimin e flotës së autobusëve dhe kryerjen e një analize të posaçme mbi kostot reale të funksionimit të sektorit dhe ndikimin financiar që lehtësirat e kërkuara do të kishin në buxhetin qendror dhe atë vendor.

Shoqata ka propozuar përfshirjen e përfaqësuesve të transportit qytetas në procesin e konsultimeve me institucionet përgjegjëse dhe krijimin e një grupi teknik për të bashkëpunuar me Ministrin e Financave, Ministrin e Infrastrukturës dhe Energjisë dhe autoritetet vendore. Ata kërkojnë që propozimet të shqyrtohen para miratimit të Paketit Fiskal 2027 dhe që institucionet të organizojnë një takim konsultativ para përfundimit të procedurave parlamentare.