Balla: Ligji për Bankën e Shqipërisë ka marrë miratimin e Komisionit Europian

Kreu i grupit parlamentar socialist, Taulant Balla, ka reaguar pas miratimit me 84 vota pro të ligjit për Bankën e Shqipërisë, duke mbrojtur dispozitat që lidhen me imunitetin e guvernatorit. Balla deklaroi se ndryshimet synojnë të garantojnë guvernatorit të Bankës së Shqipërisë të njëjatat të drejtave dhe imuniteteve që gëzojnë homologët e tij në vendet anëtare të BE-së. Sipas tij, ligji ka marrë dritën jeshile nga Komisioni Europian, përfshirë edhe neni 72, që përcakton imunitetin e guvernatorit. Balla tha se pas 3-4 vitesh do të kemi një guvernator bankë të një vendi anëtar të BE-së dhe se ashtu siç gëzon të gjitha të drejtat dhe imunitetet që gëzon një guvernator bankë i një vendi anëtar të BE-së, duhet të gëzojë edhe guvernatori i Bankës së Shqipërisë. I gjithë ligji për Bankën ka marrë "dritën jeshile" nga Komisioni Evropian, madje edhe neni 72 që flet pikërisht për imunitetin e guvernatorit. Ligji për Bankën e Shqipërisë u miratua këtë të enjte në Kuvend me 84 vota pro, gjatë një seance të shoqëruar me tensione, bllokim të foltores dhe ndezje flakadane nga deputetët e opozitës.