Dubai përgatit shëtitoren e artë: një projekt luksi me ar 24-karatësh

Dubai po përgatitet për të shtojë një tjetër atraksion spektakolar në listën e projekteve të tij luksoze. Qyteti i njohur për ndërtimet madhështore dhe investimet e pazakontë synon të krijojë një shëtitore të veshur me ar 24-karatësh në zonën tregtare të njohur si Gold District.

Projekti synon ta shndërrojë këtë hapësirë në një destinacion të veçantë për turistët dhe një pikë të re interes për vizitorët që tjerhiqen nga luksi. Sipas planeve të bërë publike, shëtitja synon të jetë e para dhe më e gjata e këtij lloji në botë.

Hapja parashikohet të bëhet brenda muajve të ardhshëm, përpara fundit të vitit 2026. Këtë e ka bërë të ditur Rashid Al Harmoodi, drejtues i lartë komercial i zonës.

Gold District, qendra e tregtisë së arit Zgjedhja e kësaj zone nuk është e rastësishme. Gold District është një prej qendrave të njohura të Dubait për tregtinë e arit dhe bizhuterive, ndërsa aktiviteti i saj tregtar po zgjerohet.

Gjatë vitit 2026, numri i zyrave të reja të tregtimit me shumicë të arit është rritur me 20%, ndërsa bizneset që merren me bizhuteri, gurë të çmuar dhe ora luksoze kanë shënuar një rritje prej 15%.

Shëtitja e re synon të ndërthurre këtë traditë tregtare me një përvojë turistike të pazakontë, duke e kthyer zonën në një hapësirë ku ari nuk do të jetë vetëm produkt për t'u blerë, por edhe pjesë e vetë peizazhit.

Një tjetër projekt për të forcuar imazhin e Dubait Prej viteve, Dubai tërheq vëmendjen ndërkombëtare me projekte që sfidojnë pamjet dhe konceptet tradicionale të arkitekturës, nga Burj Khalifa te ishujt artificiale dhe komplekset turistike luksoze.

Shëtitja e planifikuar me ar 24-karatësh synon të bashkohet me këtë listë, duke përforcuar imazhin e qytetit si një destinacion ku luksi dhe përvojat e pazakontë zënë vend qendror.

Nëse realizohet sipas planit, projekti pritet të kthehet në një nga pikat më të fotografuara të Gold District dhe një arsye të re për turistët që duan të zbulojnë anën më ekstravagante të Dubait.