"Brikena: "Jam pronë private e Mateo Borrit", bluza e saj ndez rrjetin"

Brikena Selmani, një nga personalitetet më të njohura në Shqipëri, ka publikuar një postim në Instagram që ka ndezur rrjetin social. Ajo shfaqet e veshur me një bluzë me shkronja "Jam pronë private e Mateo Borrit", duke iu drejtuar personave që vazhdojnë të aludojnë për lidhjen e saj me Mateon.

Postimi i saj ka çuar në reagime të shumta, duke përfshirë edhe ato të Xhenetës Fetahu, ish-banorja e "Big Brother VIP Kosova 3". Xheneta nuk e ka përmendur drejtpërdrejt Brikenën, por fjalët e saj kanë qenë një referencë e qartë ndaj postimit që bëri xhiron e rrjeteve sociale. Ajo ka lidhur reagimin e saj edhe me ngjarjen tragjike të Arlinda Zekajt në Pejë, duke cilësuar të papërshtatshme përdorimin e shprehjeve që e paraqesin një person si pronë të partnerit.

"Kosova hala e tronditun prej rastit të Arlindës, e dikush sot na del me ‘jam pronë e të dashurit’. WTF, moj motër?! Njeri s’osht pronë as e prindit t’vet, e le mo e dashurit!", shkroi Xheneta.

Ajo e vijoi reagimin duke theksuar se dashuria nuk duhet të ngatërrohet me pronësinë dhe se një lidhje nuk i jep askujt të drejtën të pretendojë se partneri i përket. "Dashnia s’osht pronësi, e lidhja s’taj jep të drejtën me pretendu që dikush t’përket ty. Pikërisht këto mentalitete duhet me i thy, jo me i romantizu", u shpreh ish-banorja e BBVK-së.

Në fund, Xheneta argumentoi se shprehje të tillë mund të interpretohen si normalizim i kontrollit në një marrëdhënie, duke shtuar: "Na duhet me kuptu që partner jemi, jo pronarë të njani-tjetrit".

Ndërkohë, Mateo Borri ka reaguar duke ripublikuar fotografinë e Brikenës në InstaStory, të shoqëruar me një zemër të kuqe dhe një dry me çelës. Ai nuk ka komentuar drejtpërdrejt kritikat dhe as nuk i është përgjigjur publikisht Xhenetës.