Ronaldo fiton çmimin B.O.A.T. dhe “thumbon” rivalin e përjetshëm Messi

Cristiano Ronaldo ka dalë fitues i çmimit “Ballon d’Or of All Time” (B.O.A.T.), duke lënë pas rivalin e tij të përjetshëm, Lionel Messi. Vlerësimi u dha përmes një votimi publik të tifozëve, në kuadër të 70-vjetorit të “Topit të Artë”. Ylli portugez reagoi përmes një postimi në rrjetin social X, ku falenderoi mbështetësit e tij në mbarë botën, duke ua dedikuar edhe atyre këtë çmim. “Futbolli u përket tifozëve! Faleminderit të gjithë tifozëve në mbarë botën. Topi i Artë i të gjitha kohërave është edhe i juaji”, shkroi Ronaldo. 41-vjeçari e shoqëroi mesazhin me një fotografie të tij teksa puth trofeun e tij të pare të “Topit të Artë”, të fituar në vitin 2008, kur aktivizohej me Manchester United. Pikërisht sezoni i tij me klubin anglez u rendit në vendin e pare në votimin për çmimin B.O.A.T., përpara sezonit të jashtëzakonshëm të Lionel Messit në vitin 2012, kur argjentinasi shënoi 91 gola brenda një viti kalendarik. Në vendin e tretë u rendit sezoni i Ronaldos në vitin 2017, kur ai fitoi Topin e Artë si lojtar i Real Madridit. Viti 2008 shënoi një nga periudhat më të suksesshme të karrierës së portugezit. Ronaldo realizoi 42 gola në të gjitha kompeticionet dhe ndihmoi Manchester United të fitonte Premier League-n dhe Ligën e Kampionëve. Megjithatë, çmimi B.O.A.T. ndryshon nga Topi i Artë tradicional. Ndersa ky i fundit percaktohet nga votat e gazetarëve, vlerësimi i ri u vendos përmes votimit publik me pagesë. Sipas informacionit të publikuar për këtë nismë, çdo votë kushtonte një euro, ndërsa tifozët kishin mundësi të votonin disa herë. Për këtë arsye, rezultati pasqyron mbështetjen e madhe që Ronaldo gjon në mbarë botën, por nuk perben një përcaktim përfundimtar se kush është futbollisti më i mirë në historinë e këtij sporti. Gjithashtu, B.O.A.T. nuk është një Top i Artë zyrtar shtesë dhe nuk duhet ngatërruar me të ashtuquajturin “Super Topi i Artë”. Sipas raportimit, për këtë vlerësim nuk u dha një trofe fizik. Një çmim simbolik, një rivalitet i përjetshëm dhe një mesazh i qartë nga Ronaldo: futbolli u përket tifozëve.