Berisha: Rama po krijon ligj për veten e tij dhe për zyrtarët e tij

Kryetari i Partisë Demokratike, Sali Berisha, ka reaguar pas votimit të ligjit për mbrojtjen e guvernatorit të Bankës së Shqipërisë, duke akuzuar kryeministrin Edi Rama se nisma synon të krijojë mbrojtje të posaçme për të dhe për zyrtarët pranë tij.

Në një reagim të publikuar në rrjetet sociale, Berisha e cilësoi situatën si të pashembullt në histori, ndërsa e përshkroi atë si shenjë të një “regjimi absolutar”. Sipas kreut të PD-së, ligji nuk lidhet vetëm me guvernatorin e Bankës së Shqipërisë, por synon të shërbejë edhe si mburojë për kryeministrin dhe njerëzit e tij.

“Miq, sot Edi Rama votoi ligjin për mbrojtjen e guvernatorit të Bankës kur ai vjedh! Në fakt, ligjin e ka për veten e tij!”, tha Berisha në një postim në rrjetet sociale. Ai e përshkroi situatën si një shenjë të një “regjimi absolutar” dhe e krahasoi atë me një situatë të përshkruar në romanin “Fermën e Kafshëve” të George Orwell-it.