Muça dhe Sulo përplasen në "Top Story": Rama është kthyer në 2009-ën
Analistët Flogert Muça dhe Arjon Sulo kanë përplasur qëndrimet e tyre në emisionin "Top Story" mbi paketa fiskale të qeverisë dhe ndikimin e tyre te qytetarët dhe bizneset.
Paketa Fiskale 2027 dhe masat e propozuara nga qeveria kanë nxitur debate mbi çmimet, taksat dhe ndikimin e tyre te qytetarët dhe bizneset. Në emisionin “Top Story”, analistët Flogert Muça dhe Arjon Sulo janë përplasur në qëndrimet e tyre, duke diskutuar mbi populizmin, çmimet e apartamenteve dhe qasjen e kryeministrit Edi Rama ndaj protestës nëpërmjet ndryshimeve fiskale.
Muça ka thënë se jetojmë në një inflacion të llahtarshëm populist, ku merret një e vërtetë dhe trajtohet si e vërtetë e pamohueshme. Ai ka përmendur një qytezë në Mal të Zi, në Tuz, ku çmimi është 2 mijë euro për metër katror, pranë Shkodrës.
Sulo ka reaguar duke thënë se flet para ekonomistit dhe të qesh ekonomisti. Ai ka thënë se kur të ardhurat janë X dhe çmimi i apartamenteve është 10X, ky është problem. Sulo ka vazhduar duke thënë se Rama është kthyer në 2009-ën dhe se ka zgjedhur që në paketën e tij fiskale t’i bëjë ndryshimet duke qenë edhe populist. Ai ka thënë se Rama është palë dhe se përballë luhet pandershmërisht gjithë ditën.