Drejtoresha e Burgjeve delegon kompetencat te zëvendësi

Drejtoresha e Përgjithshme e Burgjeve, Sadleva Bodo, ka deleguar kompetencat e saj te zëvendësi Anesti Kapllani, pasi firmosi transferimin e Erion Veliajt dhe Ergys Agasit në burgun e Fierit. Sipas urdhrit të firmosur më 28 tetor, Kapllani do të ushtrojë të gjitha kompetencat e Drejtorit të Përgjithshëm të Burgjeve nga ora 08:40 e datës 29 tetor deri në orën 13:00 të datës 1 nëntor. Gjatë kësaj periudhe, zëvendësdrejtori duhet të vijojë punën në përfundimtari me porositë e titullarit, duke shmangur ndryshimet themelore që nuk janë të domosdoshme, përveç rasteve të veçanta. Ndërkohë, Kapllani është ngarkuar të informojë çdo ditë në mënyrë të detajuar dhe përmes komunikimit elektronik mbi aktivitetin e institucionit, në përfundim të orarit zyrtar. Urdhëri për delegimin e autoritetit është firmosur në zbatim të Ligjit 44/2015, Ligjit Nr. 90/2012, Ligjit Nr. 129/2024 dhe Urdhërit nr. 122, datë 13.02.2025 të Ministrit të Drejtësisë.