Takimi i Rama me ministrat dhe PS për Buxhetin 2027 dhe zgjedhjet lokale

Kryeministri Edi Rama do të mbledhë ditën e sotme ministrat dhe drejtuesit politikë të qarqeve të Partisë Socialiste për të diskutuar mbi Buxhetin 2027 dhe paketën fiskale. Takimi vjen pas protestave të dhunshme të zhvilluara në Tiranë dhe në një periudhë kur buxheti dhe paketa fiskale pritet të kalojnë në Kuvend.

Në orën 10:00, në Komisionin për Ekonomi, Punësimin dhe Financat do të prezantohet projektligji për Buxhetin 2027, së bashku me paketen e re fiskale. Kjo e fundit përfshin ndryshime në ligjet për akcizat, TVSH-në, taksat kombëtare, tatimin mbi të ardhurat dhe procedurat tatimore.

Paralelisht me zhvillimet ekonomike, në axhendën politike është edhe përcaktimi i datës së zgjedhjeve lokale të vitit 2027. Në orën 09:00, përfaqësues të PS-së priten të zhvillojnë edhe një takim me presidentin Bajram Begaj për të diskutuar mbi datën e zgjedhjeve lokale të vitit të ardhshëm.