Begaj nis konsultimet për zgjedhjet vendore 2027, Balla përfundon takimin

Presidenti Bajram Begaj ka filluar konsultimet për zgjedhjet vendore të vitit 2027, duke filluar me takimet me përfaqësuesit e forcave politike. Bisedimet po mbahen në Pallatin e Brigadave, ku i pari që u takua me kreun e shtetit ishte kreu i Grupit Parlamentar të PS-së, Taulant Balla. Pas përfundimit të diskutimit me presidentin, Balla është larguar nga ambientet e Pallatit të Brigadave. Ndërkohë, në Presidencë ka mbërritur përfaqësia e Partisë Socialdemokrate (PSD), e drejtuar nga Tom Doshi, e cila do të zhvillojë konsultimin e saj me Begajn. Takimet synojnë marrjen e qëndrimeve të partive politike para vendimmarrjes së Presidentit mbi datën e zgjedhjeve.