FIFA pasurohet, tifozët paguajnë biletat!
FIFA pritet të fitojë 5 miliardë dollarë vetëm nga shitja e biletave dhe paketat e mikpritjes për turneun e futbollit Botëror 2026, pesë herë më shumë se në Katar 2022.
Botërori 2026 pritet të sjellë 5 miliardë dollarë vetëm nga biletat dhe paketat e mikpritjes, pesë herë më shumë se në Katar 2022. Bileta më e lirë për finalen kushton 4,185 dollarë. Kjo shifër është pesë herë më e lartë se të ardhurat e siguruara nga këto dy kategori në Botërorin e Katarit në vitin 2022.
Edicioni i ardhshëm do të jetë gjithashtu më i zgjeruar në histori, me 48 kombëtare dhe 104 ndeshje, kundër 32 ekipeve dhe 64 takimeve të zhvilluara në Katar. Presidenti i FIFA-s, Gianni Infantino, ka deklaruar se të ardhurat totale nga Botërori 2026 pritet të arrijnë në 15 miliardë dollarë, rreth 2 miliardë më shumë se parashikimet fillestare.
Megjithatë, politikat e çmimeve të biletave kanë shkaktuar polemikë të shumta. Sipas raportimeve, biletat për finalen fillon nga 4,185 dollarë, rreth shtatë herë më shumë se çmimi i biletës më të lirë për finalen e Katarit në vitin 2022. Çmimet e larta kanë ngritur shqetësim për mundësinë e tifozëve të zakonshëm për të ndjekur nga afër ndeshjet e turneut më të rëndësishëm të futbollit.