Rusi i dyshuar për spiunazh dhe sabotim, arrestohet në Poloni
Polonia ka arrestuar një 55-vjeçar rus për dyshimet se vepron për një shërbim të inteligjencës së huaj, duke kryer aktivitetet e një spiun, duke fotografuar trenat dhe infrastrukturën hekurudhore.
Policia polake ka arrestuar një 55-vjeçar rus për dyshimet se vepron për një shërbim të inteligjencës së huaj, duke kryer aktivitetet e një spiun. Oficerët që po siguronin një ndeshje futbolli në qytetin jugor polak Swidnica panë një burrë pranë një kalimi hekurudhor duke fotografuar trenat dhe infrastrukturën hekurudhore që kalonin. Policia tha se gjeti në posedim të tij mijëra fotografi të vendeve dhe objekteve kryesore të transportit, jo vetëm në Poloni.
“Burri dyshohet se ka kryer aktivitete në emër të një shërbimi të inteligjencës së huaj. Të gjitha indikacionet janë se fotografitë që ai ka bërë mund të jenë përdorur kundër sigurisë së shtetit”, tha policia në një deklaratë. Polonia e ka akuzuar vazhdimisht Rusinë për kryerjen e operacioneve të spiunazhit dhe ndikimit në territorin e saj, duke përdorur edhe shtetas të huaj, ndërsa Moska i ka mohuar veprime të tilla.