Kryeministri Kurti pranon dorëheqjen e Drejtorit të Policisë së Kosovës

Kryeministri i Kosovës, Albin Kurti, sot pranoi dorëheqjen e Drejtorit të Policisë së Kosovës, Gazmend Hoxha. Kërkesa për dorëheqje u pranua në përputhje me legjislacionin në fuqi. Pas propozimit të ministrit të Punëve të Brendshme, Xhelal Sveçla, kryeministri Kurti caktoi ushtrues detyre të Drejtorit të Policisë së Kosovës, Fehmi Hoti. Qeveria e Republikës së Kosovës e çmon kontributin dhe angazhimin e Gazmend Hoxha përgjatë mandatit të tij.