Protesta e Gjeneratës Z në Berlin: 1500 policë në gatishmëri për të mbrojtur rendin

Protesta e Gjeneratës Z në Berlin është paralajmëruar për 31 tetor, ndërsa autoritetet gjermane kanë vendosur të shtojnë ndjeshëm praninë policore në kryeqytet. Rreth 1,500 efektivë shtesë do të angazhohen për të garantuar rendin dhe sigurinë, ndërsa automjetet me ujëhedhës do të qëndrojnë në gatishmëri për rast se situata përshkallëzohet.

Tubimi është organizuar nga iniciativa "Gen Y regelt" dhe pritet të mbledhë rreth 10 mijë pjesëmarrës, mes tyre nxënës, studentë dhe prindër. Protestuesit pritet të mblidhen në orën 14:00 pranë Portës së Brandenburgut, ndërkohë që tubime të ngjashme janë paralajmëruar edhe në qytete të tjera gjermane.

Përkatësisht, disa biznese të tjera, veçanërisht dyqanet e markave luksoze, kanë nisur të mbrojnë vitrinat me barriera të posaçme për të shmangur dëmtimet e mundshme gjatë tubimeve. Masat e shtuara të sigurisë vijnë në prag të protestës, për të cilën autoritetet presin një pjesëmarrje të konsiderueshme, ndërsa policia do të jetë në gatishmëri për të ndërhyrë në rast incidentesh.