"Kërcënimet e Jeton Sylajit për Arlindën Zekajnë: "Nuk ke për ta marrë kurrë fëmijën"

Arlinda Zekaj, një gazetare shqiptare, ka deklaruar se ajo dhe Jeton Sylaj kanë mbajtur një bisedë telefonike me tone të ashpra për kujdestarinë e djalit të tyre. Ajo këmbëngul se djali i tyre duhet të qëndrojë me mamanë, ndërsa Jeton Sylaj i thotë se nuk ka për ta lejuar ta marrë.

Në bisedën e tyre, Jeton Sylaj i thotë Arlindës Zekaj: "S'ka në traditën shqiptare që nëna e ka marrë djalin, veç kur nuk ka dashur babai. Kurrë nuk ke për ta marrë." Arlinda Zekaj përgjigjet: "Ma gjej edhe ti një nënë që nuk e ka fëmijën, që nuk e ka, as në Amerikë, as në Kosovë, as në të gjithë botën."

Jeton Sylaj i thotë më tej: "Nuk ke për t'i pasur, besën e Zotit po ta jap dhe ti futi gishtat në sy, nuk ke për ta pasur." Arlinda Zekaj përgjigjet: "A je i sigurtë? A je i sigurtë?" Jeton Sylaj i thotë: "Prej këtij minuti e humbe privilegjin për të folur me të, besën po ta jap."

Arlinda Zekaj ka denoncuar në polici se bashkëshorti dhe familja e tij nuk po i kthenin djalin, pasi e kishte lejuar këtë të fundit t’i vizitonte. Ajo ka thënë se ish-bashkëshorti po e detyronte djalin e tyre të mos kishte asnjë kontakt me të.