EFCSN mbështet Faktoje kundër sulmeve të koordinuara
Rrjeti Evropian i Standardeve të Verifikimit të Fakteve (EFCSN) ka deklaruar se do të mbështejë Faktoje, organizatë shqiptare e verifikimit të fakteve, kundër sulmeve të koordinuara që synojnë të diskreditojnë reputacionin e saj. Sulmet janë bërë nga mediume që po qarkullojnë dhe riprodhojnë artikuj që vënë në dyshim financimin, menaxhimin financiar dhe pavarësinë e Faktojes.
Rrjeti Evropian i Standardeve të Verifikimit të Fakteve (EFCSN) dënon fushatën e koordinuar që synon anëtaren e tij shqiptare, Faktoje. Faktoje, organizatë e pavarur e verifikimit të fakteve me qendër në Shqipëri, anëtare e EFCSN, dhe drejtoresha e saj, Klodiana Kapo, po përballen me një seri sulmesh të koordinuara nga mediume që po qarkullojnë dhe, po riprodhojnë artikuj që vënë në dyshim financimin, menaxhimin financiar dhe pavarësinë e Faktojes.
Faktoje i konsideron këto sulme drejtpërdrejt të lidhura me aktivitetin e saj të verifikimit të fakteve në kuadër të partneritetit me Meta-n, në kontekstin e punës për mbulimin e protestave dhe përgënjeshtrimin e narrativave mashtruese, që synojnë protestuesit. Transparenca është një vlerë themelore e komunitetit të pavarur të verifikimit të fakteve. Anëtarët e EFCSN angazhohen, sipas Kodit Evropian të Standardeve, të bëjnë publike kush i financon, kush është pronar, kush i drejton dhe si punojnë. Ata vlerësohen në mënyrë të pavarur kundrejt këtyre angazhimeve para se të pranohen në rrjet, dhe më pas çdo dy vjet.
Qasja e hapur ndaj financimeve, u lejon lexuesve të gjykojnë vetë nëse një verifikues faktesh është i pavarur, dhe kjo hapje, së bashku me një metodologji të publikuar dhe angazhimin për të korrigjuar gabimet, e bën verifikimin e fakteve të besueshëm. Fushata kundër Faktoje nuk është rast i izoluar. Në mbarë Evropën, EFCSN vëren përpjekje të rregullta nga aktorë keqdashës për të shfrytëzuar pikërisht informacionin që verifikuesit e fakteve e publikojnë me mirëbesim.
EFCSN nuk do t’i përgjigjet duke hequr dorë nga transparenca. Anëtarët tanë do të vazhdojnë të publikojnë financimin, pronësinë dhe metodologjinë e tyre, sepse publiku meriton asgjë më pak. Por, transparenca nuk mund të jetë një detyrim i njëanshëm që mbahet vetëm nga ata që veprojnë me mirëbesim. Prandaj u bëjmë thirrje: EFCSN qëndron në solidaritet të plotë me Faktoje dhe ekipin e saj. Transparenca e tyre është një forcë, jo një dobësi dhe duhet njohur si e tillë.