BILANCI I PROTESTAVE: 200 POLICËR DHE 107 PROTESTUES TË LËNDUAR
Ministri i Brendshëm, Ervin Demo, ka bërë një bilanc të protestave të fundit në Tiranë, duke deklaruar se niveli i dhunës ka qenë i paprecedentë dhe se 347 persona janë regjistruar të lënduar.
Ministri i Brendshëm, Ervin Demo, ka dalë në një konferencë për shtyp, së bashku me drejtorin e Përgjithshëm të Policisë shtetërore, Skënder Hita. Demo ka deklaruar se niveli i dhunës ka qenë i paprecedentë dhe se 347 persona janë regjistruar të lënduar gjatë protestave të fundit në Tiranë.
Demo ka thënë se rreth 200 prej tyre janë punonjës të Policisë shtetërore, 107 protestues dhe 39 kalimtarë, përfshirë edhe një numër gazetarësh. Ministri i Brendshëm ka deklaruar se policia ka angazhuar të gjithë efektivin për të garantuar sigurinë dhe ruajtjen e proporcionalitetit.
Demo ka njoftuar gjithashtu se në projektbuxhetin e vitit 2027 është parashikuar një trajtim i ri financiar për punonjësit e policisë, duke përfshirë rritjen e pagës bazë me 20 mijë lekë të reja dhe rritjen e pagës për të tjerët me 15 mijë lekë të reja.