Ministri Demo bën bilancin e deritanishëm të protestës: Rritje pagash për Policinë e Shtetit, ja shifrat

Ministri i Punëve të Brendshme, Ervin Demo, u ndal sot gjerësisht te situata e krijuar në vend për javët e fundit nga protesta studentore. Në një deklaratë për shtyp, Demo u shpreh se javët e fundit kanë qenë sfiduese dhe theksoi se angazhimi i punonjësve të Policisë së Shtetit do të reflektohet në një rritje të ndjeshme të pagave. "Do të kemi rritje të konsiderueshme të nivelit bazë të pagave, me 20 mijë lekë të reja, ndërsa punonjësit e tjerë me 15 mijë lekë të reja. Është trajtim i merituar për angazhimin e tyre në territor. Javët e fundit kanë qenë shumë sfiduese për Policinë e Shtetit. Në total 347 të larguar. Rreth 200 prej tyre janë punonjës të policisë. Disa kanë pësuar dëmtime të ndryshme. 107 protestues të larguar dhe 39 kalimtarë, përfshirë edhe gazetarë. Këto shifra janë një këmbanë alarmi përse i përket nivelit të dhunës, por edhe trajtimit të kësaj proteste", tha Demo. Demo u ndal edhe te nisma për dialog me protestuesit, ripërsëritur edhe këto të premte nga kryeministri Edi Rama. "Qasja e qeverisë shqiptare është e qartë. Jemi të hapur për të ulur dhe për të dialoguar me këdo që kërkon dialog për çështje specifike. Organizatorët i kanë vënë në vijën e parë të sulmit. Shifrat e shoqërimit tregojnë se numri i të miturve të shoqëruar është i lartë", u shpreh Demo.