Arrestohet autori shqiptar pas 6 viktimave nga shpërthimi në Athinë

Një shtetas shqiptar, Kolian Ilia, 34-vjeç, është arrestuar së bashku me dy shtetas grekë, përkatësisht 37 dhe 55 vjeç, për pjesëmarrjen në shpërthimin e fuqishëm në Athinë, që shkaktoi vdekjen e gjashtë viktimave, duke përfshirë tre me origjinë shqiptare.

Sipas hetimeve të autoriteteve greke, tre të dyshuarit dyshohet se kanë ndërhynë në sistemin e furnizimit me gaz të një ndërtese, me qëllim vjedhjen e tubave të bakrit. Kjo ndërhysi dyshohet se ka dëmtuar tubacionin, duke shkaktuar rrjedhjen e gazit natyror, i cili është grumbulluar brenda godinës dhe ka shpërthyer disa orë më vonë.

Ngjarja e rendë ndodhi në orët e para të mëngjesit të 25 shtatorit, në rrugën Lysikratous, në zonën e Plakës në Athinë. Shpërthimi i fuqishëm shkaktoi shembjen e ndërtësës dhe la pas gjashtë viktimë.

Gjatë ditës së sotme, tre të arrestuarit pritet të dalin para gjykatës, ku do të shqyrtohet masa e sigurisë ndaj tyre. Ata përballen me akuzat e renda, mes tyre zjarrvënie, shkaktim të shpërthimit me pasoja fatale dhe vrasje me dashje.