Arrestohet shqiptari i dyshuar për vrasjen në Greqi

Policia greke ka zbardhur një vrasje të ndodhur në lagjen Galaci të Athinës, në 24 korrik të këtij viti. Autori i vrasjes është një shqiptar 48 vjeçar, Ilian Kola, i cili kishte njohje me viktimën dhe kishte vizituar atë në banesë për të kryer ndonjë punë ose shërbim në këmbim për parash të vogla.

Dyshohet se shkaku i vrasjes është grabitja, pasi autori kishte gjendje të mirë ekonomike dhe në banesën e tij pas ngjarjes mungonin para dhe sende me vlerë. Ilian Kola u gjet pa rrugëdalje pasi në banesë u gjetën shenjat e gishtave dhe material biologjik. Ai u tha policëve se nuk mbante mënd se çfarë kishte ndodhur pasi ishte nën efektin e lëndëve narkotike në momentin e ngjarjes.

Burime policore i thanë Top Channel se autori i dyshuar Ilian Kola, është ndaluar mbi 20 herë në polici që nga viti 2019 e deri tani pasi është autor i dhjetra vjedhjeve dhe krimeve që kanë të bëjnë me sigurimin e parave për blerje narkotikësh. Ai u dërgua në gjykatë e cila vendosi ta lërë në burg pa afat deri në gjykimin e çështjes.