Rama: Dhuna e të miturve duhet trajtuar përmes ndihmës ndaj familjes

Kryeministri Edi Rama ka thënë se dhuna e të miturve duhet trajtuar përmes ndihmës ndaj familjes. "Dhuna mund të kthehet në një mjet kundër mësuesit, shkollës, pedagogut, universitetit, pronarit të shtëpisë, kundër gjithkujt që dikush e konsideron pengesë. Ajo që ka qenë bërë befasi shqetësuese ka qenë pjesëmarrja domethënëse në numër dhe shqetësuese në formën e të miturve. Të mitur që duhet të konsiderohet fëmijë që ka nevojë për ndihmë. Duhet të mendohet se si duhen neutralizuar burimet prej nga ushqehen me frymën dhe me joshjen e dhunës. Përpara se të shpjegojmë dhe të gjejmë se kush i përdori, duhet të gjejmë se si familja duhet ndihmuar që të kthejë në një sens bashkëjetese dhe të tërësë", tha Rama.