Nevil Dede trajneri i muajit në Superiore

Nevil Dede është shpallur trajneri i muajit tetor në Kategorinë Superiore, pasi Egnatia regjistroi një muaj pozitiv në drejtimin e skuadrës rrogozhinase. Trajneri i Egnatias regjistroi një muaj pozitiv në drejtimin e skuadrës rrogozhinase, duke arritur tri fitore ndaj Laçit, Vllaznisë dhe Teutës. Këto rezultate i mundësuan Egnatias të grumbullojë 9 pikë dhe të ngjitet në vendin e parë të renditjes së kampionatit, me 21 pikë pas nëntë javëve të para.

Trajneri i Egnatias, Nevil Dede, u shpreh mirënjohës për vlerësimin, duke ia dedikuar arritjen futbollistëve dhe klubit për mbështetjen e bashkëpunimit. Dede foli edhe për aventurën europiane të skuadrës në UEFA Conference League, duke vlerësuar paraqitjet e futbollistëve dhe mënyrën se si Egnatia po përballet me kundërshtarët në arenën ndërkombëtare.

“Kampionati është shumë i luftuar dhe shumë i fortë. Me shumë vështirësi arrinëm të kthehemi aty ku ne pretendojmë që na takon. Mos të harrojmë që kemi edhe kundërshtarë të fortë, si Teuta, Dinamo, por edhe të tjerë që nuk janë ‘ndezur’ akoma. Besoj që Superiore do të jetë një kampionat i luftuar dhe tifozët sivjet do të shijojnë një futboll të bukur dhe të kënaqshëm për nivelin tonë”, tha Dede.

Dede u shpreh edhe për vlerësimin që mori si trajneri i muajit, duke ia dedikuar arritjen futbollistëve dhe klubit për mbështetjen e bashkëpunimit. Ai tha se është shumë i krenar për djemtë dhe për futbollin që ata po mundohen të bëjnë bashkë me të. Dede shpreh edhe shpresën se skuadra do të vazhdojë të përmirësohet çdo ditë dhe çdo ndeshje.