Artan Hoxha: Protestat në Tiranë, një valë e dytë e revoltës qytetare
Gazetari Artan Hoxha ka komentuar protestat e studentëve dhe përpjekjet e Policisë së Shtetit, duke kritikuar ashpër ndërhyrjen e forcave të rendit. Ai ka krahasuar situatën me protestat e fundit të muajit maj, të njohura si "Revolucioni i Flamingove", dhe ka pretenduar se gjatë veprimeve të forcave të rendit në sheshin "Skënderbej" ishin kapur edhe turistë.
Gazetari Artan Hoxha ka komentuar protestat e studentëve dhe përpjekjet e Policisë së Shtetit, duke kritikuar ashpër ndërhyrjen e forcave të rendit. Sipas tij, reagimi i policisë gjatë protestave ishte i paprecedentë dhe tejkaloi çdo parashikim.
I ftuar në një intervistë në News24, Hoxha e cilësoi protestën e fundit si vala e dytë e revoltës qytetare, e cila nisi nga studentët dhe gjeti mbështetje të gjerë te qytetarët. Ai e krahasoi situatën me protestat e fundit të muajit maj, të njohura si "Revolucioni i Flamingove", të cilat nisi pas ngjarjes në Zvërnec. Sipas tij, ato protesta ishin pasojë e pakënaqësive të grumbulluara ndaj qeverisjes dhe qëndrimit të kryeministrit Edi Rama.
Duke u ndalur te zhvillimet e fundit, Hoxha kritikoi mënyrën e ndërhyrjes së Policisë së Shtetit, ndërsa pretendoi se gjatë veprimeve të forcave të rendit në sheshin "Skënderbej" ishin kapur edhe turistë. "Këto radhë është një lloj tjetër proteste, nisi në fundin e majit, nisur nga rasti i Zvërnecit, u quajt revolucioni i Flamingove. Por dalja e Tiranës në shesh ishte sepse i kishte shkuar në majë të hundës me këtë pushtet dhe Rama ishte bërë një kryeministër që nuk dëgjonte më, por ishte dhe duke i tallur, provokuar. Ndaj qyteti doli në shesh dhe kjo gjë zgjati të paktën 10 ditë, me kalimin e kohës, dua të them se koha i jep mundësi pushtetit... Kjo ishte vala e pare. Vala e dytë 'Revolta e Shqiponjave' që nisi nga studentët dhe u mbështet nga gjithë qytetarët dhe u mbështet. Dhe dhuna ishte sepse policia përdori të gjitha asetet e saj. Tiranë edhe për shkak të keqkëndëshmërisë është kthyer në një labirint... Vala e dytë e protesteve u shoqërua me dhunë të pashembullt nga policia, tej çdo parashikimi... Në sheshin Skënderbej kapnin dhe turistë", tha ai.
Media që s’e dorëzon pavarësinë e saj, i paraprine një qeverisje te ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.