Shpërthimi tragjik në Athinë: 6 viktima dhe një shqiptar nën arrest

Një shpërthim tragjik ka ndodhur në Athinë, duke shkaktuar 6 viktima. Tre persona, duke i përfshirë një shqiptar, janë arrestuar për akuza të shumta, duke përfshirë zjarrvënie dhe shkaktim të një shpërthimi me dashje. Sipas hetimeve, tre persona kanë dëmtuar një tubacion aktiv të gazit gjatë një përpjekjeje për të vjedhur tuba bakri në një ndërtesë në rrugën Lysikratous. Si pasojë, gazi është përhapur dhe grumbulluar në ambientet e brendshme të godinës, duke shkaktuar një shpërthim shkatërrues. Ata përballen me akuza për zjarrvënie dhe shkaktim të një shpërthimi me dashje dhe bashkëpunim, me pasojë vdekjen e personave. Gjithashtu, ndaj tyre rendohen disa akuza për vrasje me dashje të mundshme dhe shkaktim të dëmtimeve të rënda trupore. Sipas dyshimeve të autoriteteve, kamerat e sigurisë kanë filmuar tre personat duke hyrë në shkallët e katit përdhes të ndërtesës, disa orë para shpërthimit. Hetuesit besojnë se ata po përpikeshin të hiqnin tubat e bakrit të lidhur me matësin e furnizimit me gaz, por gjatë ndërrimit mund të kenë dëmtuar një linjë aktive. Një nga pistat që po shqyrtohet për momentin e shpërthimit lidhet me ndezjen e një drite elektrike. Dyshohet se një e moshuar, e cila jetonte në katin e dytë së bashku me bashkëshortin e saj, mund të ketë ndezur çelin e dritës, duke shkaktuar një shkëndijë që ka ndezur gazin e grumbulluar në ndërtesë. Shpërthimi ishte aq i fuqishëm sa shkaktoi shembjen e plotë të ndërtesës dykatëshe.