Ministri i Transportit spanjoll refuzon të japë dorëheqjen pas aksidentit hekurudhor

Ministri i Transportit i Spanjës, Óscar Puente, ka refuzuar të japë dorëheqjen pas aksidentit të rendë hekurudhor të së martës, në qendrën e vendit, ku sipas raportimeve kanë humbur jetën 69 persona. Tragjedia ka shkaktuar reagime të forta politike dhe ka rikthyer debatin mbi sigurinë e transportit hekurudhor në Spanjë, pas një tjetër aksidenti vdekjeprurës në janar, që u mori jetën 46 personave.

Deputetë nga forcat e ndryshme politike kanë kritikuar ministrin Puente, pasi ai ia atribuoi aksidentin e fundit shkeljes së protokolleve nga operatorët e qendrës së kontrollit, pa marrë përsipër përgjegjësi politike për ngjarjen. Sindikatat e punonjësve të hekurudhave kanë kërkuar shkarkimin e menjëhershëm të tij, duke ngritur shqetësimet për standardet e sigurisë dhe funksionimin e sistemit hekurudhor.

Gjatë një konference për shtyp të premten, Puente deklaroi se përparesia e tij mbetet zbardhja e plotë e rrethanave të aksidentit dhe jo debati për të ardhmen e tij në qeveri. "Detyra ime tani nuk është të përqendrohem në debatin nëse duhet të qëndroj në pozicionin tim, por të zgjidh problemën, të percaktoj saktësisht çfarë ka ndodhur dhe të jap shpjegime të qarta", deklaroi ministri.

Autoritetet spanjolle po vazhdojnë punën për identifikimin e viktimave, ndërsa hetimet synojnë të percaktojnë përgjegjësitë dhe faktorët që çuan në përplasjen fatkeqës. Aksidenti i fundit ka shtuar presionin ndaj qeverisë së kryeministrit Pedro Sánchez, veçanërisht për çështjet që lidhen me mirëmbajtjen dhe sigurinë e rrjetit hekurudhor me shpejtësi të lartë, i madhi në Evropë. Debati merr rëndesi edhe në kontekstin politik, ndërsa Spanja përmbushet për zgjedhjet e 29 nëntorit.