Ibrahimaj: Bashkëpunimi rajonal është i rëndësishëm për zgjerimin e mundësive për gratë sipërmarrëse

Ministrja e Ekonomisë dhe Inovacionit, Delina Ibrahimaj, ka marrë pjesë në Konferencën Rajonale për Gratë Ndërmarrëse dhe Takimet B2B, Edicioni IV, "SHE RISES", në Prishtinë. Ajo ka diskutuar politikat për mbështetjen e grave në sipërmarrje, rolin e teknologjisë në krijimin e mundësive të reja ekonomike dhe rëndësinë e bashkëpunimit mes vendeve të rajonit.

Ibrahimaj ka theksuar se vitin e kaluar, 42% e fondeve të akorduara për startup-et shkuan për ndërmarrje të drejtuar nga gra dhe vajza, nga rreth 28-30% në vitet e para të zbatimit të skemës. Ajo ka theksuar se është e nevojshme që të ndërmerrë më shumë masa që të nxisin gratë të përfshihen në krijimin dhe drejtimin e bizneseve, duke shtuar se një rol të rëndësishëm në këtë proces mund të luajë teknologjia dhe inovacioni.

Ibrahimaj ka vlerësuar se prania e katër ministrave shqipfolës nga vendet e rajonit në konferencën e sotme është një mundësi e vlefshme për të forcuar lidhjet dhe për të çuar përpara iniciativa të përbashkëta. Ajo ka nismat e Tregut të Përbashkët Rajonal, të cilat synojnë lehtësimin e tregtisë dhe uljen e kostove për bizneset, mund të shërbejnë si bazë edhe për një bashkëpunim të dedikuar për gratë sipërmarrëse. Gjithashtu, ministrja ka propozuar krijimin e një forumi të përbashkët rajonal, me përfaqësuese nga secili vend, që të mblidhet periodikisht dhe të ndjekë konkretisht zhvillimin e kësaj nisme.