Google humbet mbi 500 miliardë dollarë pas presioneve nga inteligjenca artificiale

Drejtori i biznesit të Google, Philipp Schindler, deklaroi se, pavarësisht këtyre presioneve, ndihet "shumë mirë për drejtimin" që po ndjek kompania gjatë kalimit drejt një motori kërkimi të bazuar më shumë në inteligjencën artificiale.

Pozita e Google si një nga platformat kryesore për kërkimin e informacionit po përballët me konkurrencën e mjeteve të inteligjencës artificiale, si ChatGPT dhe Claude, të cilat tashmë i përdorin miliona njerëz.

Kim Scott, ish-drejtuese në sektorin e reklamave të Google, deklaroi për BBC se kompania "do të preferonte të demtonë vetë të ardhurat e saj sesa të lejonte që këto të bënte dikush tjetër".

Sipas saj, Google e ka mbështetur zhvillimin që nga fillimi të investimeve afatgjata në teknologji, edhe kur ato sjellin humbje në periudhën afatshkurtër.

Alphabet njoftoi të mërkurën se të ardhurat për tre muajt deri në fund të shtatorit u rritën me 25% krahasuar me të njëjtën periudhë të vitit të kaluar, duke arritur në 127.6 miliardë dollarë. Megjithatë, rezultatet nuk përbushën pritshmëritë e analistëve, veçanërisht në sektorin e reklamave.

Pas publikimit të rezultateve, aksionet e Alphabet ranë me më shumë se 12%, duke arritur nivelin më të ulët në gjashtë muaj. Deri në fund të së enjten, vlera e kompanisë në bursë kishte zbritur në 3.46 trilion dollarë, nga 3.97 trilion dollarë një ditë më parë.

Edhe Amazon dhe Microsoft publikuan rezultatet e tyre financiare gjatë javës, duke konfirmuar se do të vazhdojnë të investojnë shuma të mëdha në garën për zhvillimin e inteligjencës artificiale.

Megjithatë, investitorët po shprehin shqetësimet për ndikimin që këto investime mund të kenë në aftësinë e kompanive për të zhvilluar aktivitetet e tyre kryesore.