Dosja e Prokurorisë së Posaçme: Afera e Majlinda Carës dhe Elvis Miri

Një aferë po ndodh në Bashkinë e Kurbinit, ku kryetari Majlinda Cara ka qepur letrat e një tenderi për Elvis Mirin, pronarin e kompanisë Vale Recycling, i cili është arrestuar dhe hetuar për mashtrime në fitimin e parave publike. Ky rasti është shumë flagrant, pasi Cara ka dhënë tenderin e pastrimit të qytetit kësaj firme me ofertën më të lartë.

Vox News ka hulumtuar dokumentet e kësaj procedure, të cilat hedhin dritë se Cara kishte ndarë mendjen me para për ta dhënë Miri këtë tender, pasi ka skualifikuar dy ofertat që ofruan më pak, për ta shpallur fitues Vale me plot 99.2% të fondit limit. Ky rasti meriton që të hetohet nga Prokuroria e Posaçme, duke qenë se kemi të bejmë me një paracaktim fituesi.

Dokumenti i mësipërm është njoftimi i fituesit të tenderit për pastrimin e qytetit të Kurbinit, i datës 29 tetor 2026. Procedura ka pasur si objekt pastrimin, grumbullimin dhe depozitimin e mbetjeve të ngurta dhe mirëmbajtjen e hapësirave dhe varrezave për Njesitë Administrative Milot dhe Fushë Kuqe.

Fondi limit i procedurës ishte 75 milionë lekë të rinj pa TVSH, teksa në këtë tender bëri ofertë firma Silver me vlerë 58 milionë lekë. Kompania Rej ofroi 61 miolinë lekë dhe firma e tretë, për nga vlera ishte ajo e Vale me plot 74 milionë lekë, ose plot 16 milionë lekë më shumë se oferta më e ulët.

Nëse do të bëjmë një llogari me fondin limit dhe atë që akordoi firma Vale, fituese, del se ajo ka marrë plot 99.2% të të gjithë fondit, duke lënë rrugë vetëm disa qindarka. Në dokument, Bashkia e Kurbinit shkruan se firma që ofroi më pak Silver, u skualifikua për shkak se s’kishte deklaruar të dhënat për mjetet.

Ndërkohë, firma Rej u skualifikua se s’kishte dorëzuar disa dokumente për punëtorë. Dyshimet janë se e gjithë procedura ka qenë një farsë që në fillim, pasi pronari i firmës Vale është nga zona e Kurbinit. Me lidhjet që ka bërë në zonë apo edhe me lidhjet me kryetaren Majlinda Cara, mori pothuajse të gjithë fondin limit të akorduar.

Elvis Miri ka qenë më parë i arrestuar dhe proceduar, për asgjësimin e mbetjeve spitalore. Por, që nga lirimi dhe më pas heqja e skualifikimit të firmës, ai ka arritur që të fitojë disa procedura me shumë zero, fillimisht në tenderat e asgjësimit të mbetjeve spitalore dhe tani në pastrimin e qyteteve.