Bordi i Transparencës ndryshon çmimin e naftës për herë të tretë në tri ditë

Bordi i Transparencës ka bërë një vendim të ri për çmimin e naftës, duke e ulë në 212 lekë për litër. Kjo është një ndryshim i shpejtë, pasi çmimi ishte rritur në 218 lekë vetëm një ditë më parë.

Një lëvizje që ngjan më shumë me një lojë "ping-pong" sesa me një politikë të qëndrueshme çmimeve. Vetëm një ditë pasi çmimi ishte rritur me 6 lekë, Bordi i Transparencës ka vendosur të e ulë sërish në nivelin ku ishte dy ditë më parë.

Sipas vendimit të fundit, çmimi maksimal i shitjes me pakicë të naftës do të jetë 212 lekë për litër, ndërsa ai i shitjes me shumicë nuk duhet të kalojë 200 lekë për litër.

Ndërkohë, benzina do të tregtohet me një çmim maksimal prej 179 lekësh për litër në shitjen me pakicë dhe 167 lekësh për litër në shitjen me shumicë.

Çmimet e reja hyjnë në fuqi sot, më 31 tetor, në orën 12:00 dhe do të mbeten të vlefshme deri në mbledhjen e ardhshme të Bordit të Transparencës.

Bordi u ka rikujtuar operatorët e tregtimit të karburanteve se zbatimi i çmimeve të percaktuara është i detyrueshëm, ndërsa në rast shkeljesh parashikohet pezullimi i aktivitetit.

Ministria e Ekonomisë dhe Inovacionit, Ministria e Financave dhe Ministria e Infrastrukturës dhe Energjisë deklarojnë se mbeten të angazhuara për mbrojtjen e konsumatorëve dhe garantimin e konkurrencës së ndershme në treg.