Dy t’rinj kosovarë, të dënuar me 15 vite burg në Gjermani, arrestohen në Morinë

Dy t’rinj kosovarë, të dënuar me 15 vite burg në Gjermani për vjedhje me dhunë dhe dëmtim prone, janë arrestuar në pikën kufitare të Morinës në Kukës. Në prangë kanë rënë një 22-vjeçar me inicialet I. M. dhe një 24-vjeçar me inicialet F. B., të dy banues në Vushtrri, të cilët ishin shpallur në kërkim ndërkombëtar nga autoritetet gjermane.

Sipas policisë, Gjykata e Erfurtit në Gjermani i kishte dënuar më 1 qershor 2026 me 15 vite burg secilin, për veprat penale “Vjedhje me dhunë e kryer në bashkëpunim” dhe “Dëmtim prone”. Arrestimi i tyre u realizua gjatë kontrolleve të Policisë Kufitare në Morinë, në kuadrën e operacionit të koduar “Wanted”, që synon identifikimin dhe kapjen e personave të shpallur në kërkim.

Dy t’rinjtë janë arrestuar me qëllim ekstradimin drejt Gjermanisë, ndërsa Interpol Tirana, në bashkëpunim me Interpol Wiesbaden, po vijon procedurat për dorëzimin e tyre tek autoritetet gjermane. Kontrollat intensive, bazuar në analizën e rrezikut, për kapjen e personave në kërkim, si dhe për parandalimin dhe goditjen e paligjshmërive.