Avokati i Vlora Hysenit paraqitet në GJKKO, ish-drejtuesja e SHISH refuzon të marrë pjesë në seancë

Avokati i ish-drejtueses së Shërbimit Informativ Shtetëror, Vlora Hyseni, është paraqitur mesditën e sotme në Gjykatën e Posaçme, për seancën gjyqësore ndaj klientes së tij. Kastriot Selita është parë në ambientet e gjykatës, ndërsa, siç raporton gazetarja e Top Channel, Anila Hoxha, Vlora Hyseni nuk ka pranuar të paraqitet në seancë. Kujtojmë se seanca ndaj ish-drejtueses së SHISH ishte parashikuar të zhvillohej një ditë më parë, por u shty për shkak të mungesës së prokurorit.