Ambasadorja e BE-së takohet me Gazment Bardhin: Diskutuan për rrugëtimin e Shqipërisë drejt Evropës

Ambasadorja e BE-së në Shqipëri, Sofia Moreira de Sousa, ka mbajtur një takim me kryetarin e grupit parlamentar të Partisë Demokratike, Gazment Bardhin, për të diskutuar rrugëtimin e Shqipërisë drejt BE. Në një postim në llogarinë e saj në X, Sousa shkruan se gjatë takimit u diskutua për rrugëtimin e Shqipërisë drejt BE dhe rëndësinë e angazhimit të të gjitha palëve në proces. Sousa tha se patën një diskutim të frytshëm mbi rolin qendror të Kuvendit në miratimin e reformave, përafrimin e legjislacionit me atë të BE-së dhe sigurimin e llogaridhënies së ekzekutivit. Kjo kërkon angazhimin e të gjitha palëve dhe që Kuvendi të jetë një hapësirë e mirëfilltë dialogu.