Abdul El-Sayed fiton në Michigan, bëhet senatori i parë mysliman në SHBA
Abdul El-Sayed, një kandidat demokrat, ka fituar garën për një vend në Senatin amerikan në shtetin e Michiganit, duke mposhtur kandidatin republikan Mike Rogers. Kjo fitore e siguron që El-Sayed të bëhet senatori i parë mysliman në historinë e Shteteve të Bashkuara.
Gjatë fjalimit të fitores, El-Sayed deklaroi: "Michigan, ia dolëm!" dhe nuk la pa komentuar as zëvendëspresidentin amerikan, J.D. Vance. Ai iu drejtua Vance me ironi duke përdorur edhe një shprehje arabe: "J.D., habibi im, ka një ironi të këndshme në faktin se je i detyruar nga Kushtetuta të më votosh në janar".
El-Sayed, një mjek me profesion dhe ish-drejtor i shërbimeve të shëndetit publik në Detroit dhe në qarkun Wayne, mposhti ish-kongresmenin republikan Mike Rogers, i cili kishte mbështetjen e presidentit Donald Trump. Fushata e demokratit u përqendrua kryesisht te kujdesi shëndetësor, ndërsa gjatë garës ai u përball edhe me kritika dhe sulme për besimin e tij mysliman, si dhe me polemika lidhur me qëndrimet e tij për Izraelin dhe luftën në Gaza.