Paris Jackson kërkon 600 milionë dollarë nga ekzekutori i pasurisë së Michael Jackson

Paris Jackson ka depozituar padin në Gjykatën e Lartë të Los Angeles, duke pretenduar se ekzekutori i pasurisë së babait të saj nuk ka vendosur asnjë para në "Michael Jackson Family Trust", fondin që Michael Jackson kishte kërkuar në testamentin e tij para vdekjes në vitin 2009. Avokatët e Paris Jackson akuzojnë Branca-n se vazhdon ta mbajë secilin përfitues të detyruar ndaj tij me një kontroll të hekurt mbi kur dhe nëse paratë u shpërndahen atyre.

Sipas testamentit, fëmijët e Michael Jackson duhet të merrnin pagesa në moshën 21 vjeç, por ata morën vetëm "shuma më të vogla". Testamenti parashikonte shpërndarje kryesore në moshën 30, 35 dhe 40 vjeç. Prince mbush 30 vjeç në shkurt 2027, Paris në prill 2028.

Ekipi ligjor përmend transaksione që mund të kishin financuar fondin, si marrëveshjet me Sony/ATV Music Publishing në 2016 dhe 2018, dhe shitja e Neverland Ranch në 2022 për 22 milionë dollarë. Kërkesa konkrete në gjykatë është një shpërndarje paraprake të aseteve të pasurisë për Michael Jackson Family Trust në shumën prej 600 milionë dollarësh plus tarifa avokatie.

“Janë shpërndarë mbi 200 milionë dollar”, përfaqësuesit e pasurisë i thanë Daily Mail se pretendimi, se ekzekutori ka mbajtur pagesat është “një trillim i plotë”. Sipas tyre, më shumë se 200 milionë dollarë janë shpërndarë tashmë në dobi të Parisit dhe përfituesve të tjerë.