SPAK jep pretencën për Leonard Dukën dhe Drianto Bardhin për vrasjen e Ervis Martinajt dhe Erigers Mihasit
Prokuroria e Posaçme ka dhënë pretencën për Leonard Dukën dhe Drianto Bardhin për sigurimin e kushteve për vrasjen e Ervis Martinajt dhe Erigers Mihasit.
Gazetarja e Top Channel Anila Hoxha ka njoftuar se Prokuroria e Posaçme ka kërkuar dënimin me 10 vite burg për Leonard Dukën dhe 6 vite burg për Drianto Bardhin për sigurimin e kushteve për vrasjen e Ervis Martinajt dhe Erigers Mihasit. Kjo çështje është një fraksion i dosjes "Revanshi", në kuadër të së cilës janë zbardhur mijëra komunikime në aplikacionin e koduar Sky ECC. Leonard Duka është dënuar më herët me 30 vite burg, si kreu i grupit kriminal që ekzekutoi ish-policin Santiago Malko, i njohur si krahu i djathtë i Ervis Martinajt. Kujtojmë se Ervis Martinaj rezulton i zhdukur, ndërsa Erigers Mihasi u vra në një atentat.