Detajet, çfarë presin socialistët nga Asambleja e 14 nëntorit

Gjatë muajve të fundit, protestat e dhunshme të Tetorit kanë shpenzuar shumë energji nga maxhoranca qeverisë. Kryesocialisti Edi Rama po diskuton me bashkëpunëtorët e tij për mbledhjen e Asamblesë së Përgjithshme të PS, e cila pritet të mbahet më 14 nëntor. Megjithatë, në ditët në vijim pritet konfirmimi i kësaj date dhe njoftimi i të gjithë anëtarëve të Asamblesë së Përgjithshme të PS-së.

Kjo asamble do të jetë një moment i rëndësishëm për Partinë Socialiste, pasi do të trajtojë çështjet kryesore të zgjedhjeve vendore të 9 majit. Përveç kësaj, do të trajtohet edhe situata e protestave, të cilat vazhdojnë pavarësisht rënies së pjesëmarrjes. Mobilizimi për të fituar këto zgjedhje do të jetë një nga çështjet kryesore të diskutimit.

Kryesocialisti Edi Rama gjithashtu do të shpalosë mënyrën e zgjedhjes së kandidatëve socialistë për kryebashkiakë. Vlen për t’u parë nëse nga kjo asamble Edi Rama do të shpalosë idetë e tij se cila mund të jetë kandidatura perfekte për të fituar Bashkinë e Tiranës, më të madhen në vend.

Socialistët presin gjithashtu që kryesocialisti Edi Rama të shprehë qëndrimet publike për sa i përket Erion Veliajt, tashmë të vendosur publikisht në një kurs të fortë përplasjeje me Edi Ramën pas transferimit në burgun e Fierit. Gjithashtu, mbetet për t’u parë nëse do të futet në rendin e ditës të kësaj asambleje mocioni i Elisa Spiropalit, ku i kërkon Edi Ramës hapjen e Partisë Socialiste dhe adreson nevojën e një “Marrëveshjeje të Re për Shqipërinë”.

Asamblenë e shtatorit 2023, Edi Rama e përdori për të shpalosur ndryshimin e gjysmës së kabinetit të tij qeverisës. Megjithatë, mbetet tërësisht ekskluzivitet i Ramës nëse do ta përdorë Asamblenë e 14 nëntorit për ndryshime thelbësore në kabinetin e tij të katërt, në një kohë kur qeveria po përballet me një mori shqetësimesh të ardhura nga protestat, për të cilat kryeministri thotë se i ka mbajtur shënim dhe po adresohen.