Kërcënime për bomba në aeroportin e Pragës, tetë fluturime në shënjestër

Të paktën tetë fluturime të aeroportit të Pragës në Çeki janë bërë objekt i kërcënimeve për bomba këtë të premte, njoftuan autoritetet e aeroportit. Kërcënimet përfshijnë fluturimet hyrëse nga Danimarka, Spanja dhe Britania e Madhe, si dhe fluturimet drejt Holandës, Qipros, Rumanisë, Italisë dhe Britanisë së Madhe. Autoritetet po trajtojnë kërcënimet, por deri më tani nuk janë bërë të ditura detaje të tjera mbi autorët apo nëse janë konstatuar mjete shpërthyese.