Protesta e opozitës dhe e studentëve përballë Ministrisë së Arsimit: përplasje dhe flakë

Protesta e opozitës dhe e studentëve përballë Ministrisë së Arsimit është shpërthyer në përplasje fizike dhe flakë. Mbështetësit e Partisë Demokratike kanë marshuar drejt Ministrisë së Arsimit për t'u bashkuar me protestën e studentëve, por janë përplasur me protestuesit e tjerë.

Gjatë tubimit para Kryeministrisë është regjistruar edhe një incident, pasi një protestues që brohoriti “Rama n’burg, Berisha n’burg” është përplasur me pjesëmarrës të tjerë. Ai është goditur me shpulla dhe është larguar me dhunë nga protesta.

Pas grumbullimit para Kryeministrisë, mbështetësit e opozitës kanë nisur marshimin drejt Ministrisë së Arsimit, ku në orën 14:00 është paralajmëruar protesta e studentëve.

Protestuesit e mbledhur në mbështetje të studentëve kishin vendosur një pankartë para Ministrisë së Arsimit, ku shkruhet “RnB BnB”, shkurtim i thirrjes “Rama në burg, Berisha në burg”. Kjo thirrje është dëgjuar vazhdimisht në kor nga pjesëmarrësit, të cilët kanë brohoritur edhe “Poshtë komunizmi”.

Tensionet janë shoqëruar me përplasje fizike mes protestuesve që mbështesin studentët dhe mbështetësve të Partisë Demokratike, të cilët kishin marshuar nga Kryeministria drejt Ministrisë së Arsimit për t’iu bashkuar tubimit.

Pas përplasjeve te Ministria e Arsimit, situata është qetësuar dhe protesta ka vijuar pa incidente të tjera. Mbështetësit e Partisë Demokratike kanë qëndruar në distancë nga protestuesit e tjerë që janë mbledhur në mbështetje të studentëve.

RReth ores 15:40 protestusti u vunë flakën dy kazanëve të mbeturinave, policia u përgjigj me spraj dhe gaz lotsjellës.