Kombëtarja U-19/ Fatjon Tafaj publikon listën për dy ndeshjet e raundit të dytë të Europianit ndaj Qipros dhe Armenisë

Kombëtarja U-19 do të marrë pjesë në raundin e dytë të Kampionatit Europian, në Ligën B, ku do të përballet me Qipron dhe Armeninë. Trajneri Fatjon Tafaj ka shpallur listën me 21 futbollistë të grumbulluar për këto dy sfida. Në listën e publikuar janë përfshirë 9 lojtarë që aktivizohen në klubet shqiptare, ndërsa pjesa tjetër vijnë nga kampionate dhe klube jashtë Shqipërisë. Kuqezinjtë do ta nisin këtë fazë me përballjen ndaj Qipros, më 11 nëntor, në orën 13:30, në stadiumin “Sotira Municipal Stadium”. Më 14 nëntor, po në orën 13:30 dhe në të njëjtin stadium, Shqipëria U-19 do të luajë ndaj Armenisë. Lista e futbollistëve përfshin Raffaele Huli, Klevi Hasaj, Simon Lleshi, Leon Sylejmani, Spasian Nasto, Dion Vata, Lucas Cekrezi, Stiven Nikolli, Afrim Gashi, Endrit Asani, Andreas Llana, Armend Muslika, Serxho Vogli, Klevi Ajazi, Oliver Blini, Flavio Shkembi, Grei Kuqi, Elson Himallari, Francesco Matjani, Gabriel Kulla dhe Alen Vukaj.