Emri i ish trajnerit të Arsenalit shfaqet si alternativë e Infantinos për presidencën e FIFA
Zvicerani Gianni Infantino do të kërkojë të fitojë mandatin e tij të katërt si president i FIFA, por nuk do të jetë i vetëm në këtë garë. Emri i ish trajnerit legjendar të Arsenalit, Arsene Wenger, është shfaqur si një alternativë e tij.
Në marsin e vitit të ardhshëm do të bëhen zgjedhjet presidenciale në FIFA. Presidenti aktual, Gianni Infantino, do të kërkojë të fitojë mandatin e tij të katërt. Sipas të përditshmes L’Equipe, ish trajneri legjendar i Arsenalit, Arsene Wenger, po mendon për të kandiduar për postin e presidentit të FIFA. Wenger ka qenë drejtor i zhvillimit global të futbollit në FIFA që nga viti 2019 dhe ka propozuar "Ligjin Wenger", një reformë e rregullit të pozicionit jashtë loje. Ai gjithashtu ishte një nga ideatorët e Botërorit U15 që u zhvillua në Baku. Qeveria e futbollit evropian, UEFA, po kërkon një kandidat që të rivalizojë me Infantino për postin e presidentit të FIFA. Wenger është një profili që i pëlqen UEFA, por nuk është i vetmi kandidat që organizmi më i distancuar nga Infantino po mendon që ta paraqisë në zgjedhjet që do të mbahen në 18 mars të 2027 në Rabat të Marokut. Kandidatët kanë afat deri në 18 nëntor për të zyrtarizuar kandidaturat e tyre dhe për të marrë mbështetjen formale të 5 nga 211 federatat anëtare të FIFA.